Блог

Конкурс рэцэнзій для чытачоў, якім ёсць што сказаць

Medium?1381755249

У Беларусі ўпершыню абвешчаны конкурс літаратурнай крытыкі імя Адама Бабарэкі. Напішыце пра беларускую кнігу, якую чытаеце цяпер, — заклікаюць арганізатары конкурсу, якімі выступілі Беларускі ПЭН-цэнтр сумесна з сайтам bookster.by.

 


У Беларусі ёсць пэўнае кола ўжо вядомых літаратурных крытыкаў, але новыя рэцэнзенты з’яўляюцца рэдка, — расказвае намеснік ПЭН-цэнтра Павел Анціпаў. — Мы б хацелі, каб конкурс дапамог адкрыць новыя імёны і нечаканыя падыходы да рэцэнзавання літаратуры. Таму мы заклікаем далучыцца найперш маладых аматараў чытання, якія не маюць вялікага досведу ў напісанні крытычных артыкулаў, але хацелі б паспрабаваць сябе ў гэтай справе”.



Конкурс стартуе 14 кастрычніка — у дзень народзінаў самага значнага беларускага крытыка 1920-х гадоў Адама Бабарэкі, аднаго з заснавальнікаў літаратурных аб’яднанняў “Маладняк” і “Узвышша”, які быў рэпрэсаваны. 

Сказаць сваё крытычнае слова прапануецца як пра сучасную беларускую прозу, паэзію, драматургію, так і пра класічныя творы. У асобную намінацыю вынесеныя рэцэнзіі на кнігі, вылучаныя на прэмію імя Ежы Гедройца-2014, спіс якіх будзе паступова папаўняцца на сайце gedroyc.by. 

Самыя яркія рэцэнзіі, якія прыйдуць цягам конкурсу, мы будзем публікаваць на сайце bookster.by, — адзначае рэдактар літаратурнага партала Аляксандра Дорская. — Спадзяемся, яны выклічуць абмеркаванне і заахвоцяць іншых чытачоў да ўдзелу”. 

Кожны ахвотны можа даслаць неабмежаваную колькасць прац у любых намінацыях на беларускай ці рускай мовах да 1 сакавіка 2014 года. Найлепшыя аўтары рэцэнзій, якіх вызначыць журы, атрымаюць запрашэнне на майстар-класы вядомых замежных літаратурных крытыкаў з Польшчы, Чэхіі, Швецыі ды Расіі.

Дасылаць рэцэнзіі можна на адрас info@pen-centre.by. Больш падрабязна пра намінацыі і ўмовы конкурсу чытайце на сайце pen-centre.by альбо пытайцеся па тэлефонах +375 33 6528055 і +375 29 3964960.

Чытайце таксама

апошнiя водгукi

Асабіста пасля знаёмства з кнігай узнікла жаданне завесці спецыяльны дыялектны слоўнік. Мова проста выкшталцоная. Моцна ўражаны "Выспамі".

Аповесць "Удог" - першы квіток у цікавы і незвычайны свет мастацтва слова Аўтара. Здзівіла ў першую чаргу мова і стыль. Перачытваць і разважаць.

Прачытаў пасля артыкула Ціхана Ч. на "свабодзе", застаўся ў захапленні. "Палкоўніку ніхто не піша", але пра рыбу :)

усе водгукi

Каментары 1
Зарэгіструйцеся ці ўвайдзіце, каб пакідаць каментары і ставіць адзнакі

а самае галоўнае - прызавы фонд - колькі???

0
Дадайце кнігу, каб дапамагчы нам зрабіць самы лепшы каталог літаратуры ў байнэце