Блог

Што чытацкія густы могуць распавесці пра псіхічны стан асобы? Вывучаем на прыкладзе псіхатэрапеўта і паэткі Кацярыны Зыкавай, якая падзялілася з намі сваім літаратурным топ-5.

1. Саша Сакалоў «Школа для дурняў»

Мой нулявы кіламетр, палата мераў і вагаў, усё такое. Магу перачытваць з любога месца ў любым стане. Літары ў гэтай кнізе склаліся для мяне нейкім асаблівым чынам, здаецца, яны склаліся ў вялікі падарунак.

2. Луі-Фердынанд Сэлін «Падарожжа на край ночы»

Кажуць, твор «напісаны цынічна», а па-мойму, вельмі кранальнае глумленне, безабароннае. Сум, расчараванне, хістанні, чуллівасць – карацей, класна.

3. Джэймс Б'юджэнталь «Навука быць жывым»

Гісторыі пацыентаў Б'юджэнталя, працэс іх тэрапіі. Уразлівасць, якая знаходзіць мужнасць ісці на кантакт і сустрэчу з іншым, выяўляецца (хоць ёй і страшна), рызыкуе, жыве – мяне гэты працэс шчыра заварожвае і ў якасці ўдзельніка, і ў якасці чытача-назіральніка.

4. Рычард Ейтс "Дарога пераменаў"

Пару гадоў таму прачытала паводле парады сяброўкі і ейнага мужа, яны трапілі ў яблычак. Тонкая працяжная штодзённасць, гэта як глядзець фільмы з Грэтай Гервіг.

5. Андрэй Платонаў «Ноеў каўчэг: П'есы»

«Ноеў каўчэг» проста чытала апошнім, а ўвогуле тут магла б быць любая кніга Платонава. Для мяне Платонаў і яшчэ Набокаў – нерэальны спосаб дачынення з формай. Пры гэтым са зместам таксама ўсё бліскуча, гэта вам не Павіч нейкі.