Чытачы

Анатоль Аляксеевіч Кудласевіч (Антон Кудлаты) нарадзіўся 5-га верасня 1961-га года ў маляўнічым куточку Палесся – вёска Толмачава Столінскага раёна, Брэсцкай вобласці. Скончыў Кароцічскую СШ, Пінскі Сельскагаспадарчы тэхнікум па спецыяльнасці ветэрынарыя, Літаратурны інстытут імя А.М. Горкага (Масква), па спецыяльнасці "літаратурная праца". Служыў у СА, пад Ніжнім-Ноўгарадам і ў Закаўказзе. Працаваў ветвельчарам, ветаператарам, слесарам МСР, плотнікам-бетоншчыкам, зборшчыкам радыёапаратуры, карэспандэнтам-арганізатарам, журналістам на тэлебачанні і радыё... Словам, набыў тузін спецыяльнасцей і змяніў дзесяткі месц працы. З 1990 г. жыве ў Мінску. Арганізаваў і правёў сотні літаратурных сустрэч, вечароў паэзіі і літаратурных свят з удзелам беларускіх пісьменнікаў і “Першы фестываль беларускай бардаўскай песьні”. Рыхтаваў і вёў аўтарскія праграмы на тэлебачанні і радыё: «Шматгалоссе», “Дрэва жыцця”, “Святыя імёны зямлі беларускайы”, “Тэатр перад мікрафонам”, “Сувязь часоў”, Напіцца з крыніцы” і інш. * * * У 1993 годзе ў выдавецтве «Тэхналогія» выйшла першая кніжка вершаў і пародый «Плакун-трава», 1999 годзе – зборнік вершаў «Зорныя ноты» (Біблятэчка часопіса «Маладосць»). З'яўляюся ўкладальнікам «Анталогіі беларускай эпітафіі» (выдавецтва «Ураджай» 2000 г.) і «Анталогіі беларускай пародыі» («Ураджай 2001 г.). 2013 год у выдавецтве "Мастацкая літаратура" выходзіць кніга прозы "Пераход", 2014 год -- у выдавецтве "Галіяфы" выходзіць зборнік духоўнай прозы і паэзіі "Трынаццаць дзён", 2015 год -- у выдавецтве "Альтаспера" (Таронта, Канада) выходзіць раман-хроніка "Переписка с миллионерами" і кніга паэзіі "Тройчы Адзіны", Вершы і проза друкаваліся ў рэспубліканскіх выданнях, у Расіі і ва Ўкраіне. Спрабуе сілы ў драматругіі. Многія вершаваныя тэксты існуюць у выглядзе аўтарскіх песень.